Amlodipin: Amlodipin dihidropiridin kalsium antaqonisti (kalsium  ionlarının antaqonisti və ya ləng kalsium kanallarının blokatoru) olub, kalsium ionlarının membranlardan damarların saya əzələlərinə və ürək əzələsinə keçməsini tormozlayır. Eksperimental məlumatlar göstərir ki, amlodipin hər iki tərəfə - dihidropiridin və qeyri- dihidropiridin tərəfə birləşir.
Amlodipin periferik arterial vazodilatatordur (damargenişləndirici), birbaşa damarın saya əzələsinə təsir göstərərək periferik damar müqavimətini aşağı salır və qan təzyiqini azaldır.

Lizinopril: Lizinopril insanlarda və heyvanlarda angiotenzinçevirici fermentin (AÇF) inhibitorudur. AÇF peptidil dipeptidazadır və angiotenzin-I-in angiotenzin-II-yə çevrilməsinin katalizatorudur. Angiotenzin-II isə özlüyündə böyrəküstü vəzin qabıq maddəsi tərəfindən aldosteronun ifraz olunmasını stimullaşdırır. Hipertenziya və ürək çatışmazlığı zamanı lizinoprilin müalicəvi təsiri renin-angiotezin-aldosteron sisteminin fəaliyyətini tormozlamaqdan ibarətdir. Lizinopril həm arterial həm də venoz damarları genişləndirir.Uzun müddətli istifadəsi zamanı miokardın hipertrofiyasını və arterial stenozu azaldır.