Diamet 500 müxtəlif farmakoloji qrupdan olan iki hipoqlikenik vasitənin kombinasiyasından ibarət peroral preparatdır.

Qlibenklamid II nəsil sulfonilsidik cövhəri törəmələri qrupuna aiddir. Qlibenklamidin qəbulu zamanı mədəaltı vəzin β-hüceyrələrinin deqranulyasiyası baş verir ki, bu da insulinin reseptorlarının piy, skelet əzələləri və qaraciyər toxumasında miqdarını artırır. Nəticədə insulin sekresiyasının artması qanda qlükozanın miqdarının azalmasına səbəb olur.

Metformin biquanidlər qrupuna aid olub, qan plazmasında həm bazal, həm də postprandial qlükozanın miqdarını azaldır. Metforminin təsir mexanizmləri aşağıdakı kimdir:
• Qlükoneogenezi və qlikogenolizi inhibə etməsi hesabına qaraciyər tərəfindən qlükozanın yaranmasını azaldır;
• Periferik reseptorların insulinə qarşı həssaslığını yüksəldir, əzələlərdə hüceyrələr tərəfindən istifadəsini və utilizasiyasını artırır;
• Mədə-bağırsaq traktından (MBT) qlükozanın sorulmasını ləngidir.
• Metformin, həmçinin, ümumi xolesterinin, ASLP və TQ səviyyəsini azaltmaqla, qanın lipid tərkibinə müsbət təsir göstərərək aterosklerozun qarşısını alır və kardioprotektiv effekt göstərir. Analoqu olan Fenformindən fərqli olaraq laktoasidoz yaratmır.

Metformin və qlibenklamid müxtəlif təsir mexanizmlərinə malik olsalar da, bir-birinin hipoqlikemik aktivliyini qarşılqılı olaraq tamamlayır. İki hipoqlikemik vasitənin kombinasiyası qlükoza miqdarının azaldılması baxımından sinergik effektə malikdir.