Farmakoterapevtik qrupu:
Geniş təsir spektrinə malik aminoqlikozid qrupuna mənsub olan yarımsintetik antibakterial dərman vasitəsidir.
Farmakoloji xüsusiyyətləri:
Amikasin əksər qrammüsbət və qrammənfi mikroorqanizmlərə qarşı bakterisid təsir göstərir. Amikasinə həssas qrammənfi mikroblar: Psevdomonas spp., Proteus spp., Providencia spp., Klebsiella spp., Enterobacter spp., Serratia spp., Acinebacter spp., Esherichia coli və Citobacter freundii.
Amikasinə həssas qrammüsbət mikroblar:
Staphylococcus spp. (penisillinaza hasil edən və etməyən, metisillinə davamlı növləri daxil olmaqla), Streptococcus pyogenes, Streptococcus pneumoniae (diplokokk).
Aminoqlikozid qrupuna aid olan digər antibiotiklərə (gentamisin, kanamisin, törəmisin) davamlı olan mikroorqanizmlər in vitro amikasinə qarşı həssasdır. Amikasin beta-laktam antibiotiklərlə bərabər təyin olunduqda qrammənfi bakteriyalara qarşı in vitro sinergetik təsir göstərir.
Farmakokinetikası:
Amikasinin yarımxaricolma dövrü 2 saatdır. Paylanma həcmi 24-ə bərabərdir. Plazma zülalları ilə 0- 11%-i birləşir. Plazma klirensi 100 ml/dəq., böyrək klirensi 94 ml/dəq. təşkil edir. Sidiklə xaric olur. Böyrək çatışmazlığı və ya qlomerulyar filtrasiyası pozulan xəstələrdə preparatın xaric olunması zəifləyir. Buna görə böyrəklərin ifrazat funksiyasına nəzarət edilməlidir və lazım olduqda qəbul dozası korreksiya olunmalıdır.